قريبا الموسم الرابع
اتظرونااااااااااااااااااااااااااااااا
احنا مين
لو عايز تعرف احنا مين .
اسأل نفسك انت مين , لآننا انت … بنعيش نفس الحياه بنحلم نفس الاحلام ,لينا نفس التحديات و الهموم .
يمكن محدش عارف يفهمنا او عارف يعبر عننا , لكننا عاوزين نعبر عن نفسنا بالطريقه اللى تعجبنا , عايزين نكون نفسنا
مش نسخه من اللى قبلنا .
يمكن احيانا بنشوف الدنيا ملخبطه و منعكشه , لكنها زى طبق الفروت سالاد , منعكش و مكرمش و مليان حلو على حادق , عصير على فاكهه مقطعه , لكنه فى الاخر بيعمل طبق جميل , طبق ما يعلاش عليه .
طبق متجمع من مزارع الحياه .
علشان كده عملنا برنامج التليفزيون و كمان الويب سايت ده علشان نفكر سوا نفضفض . نتكلم بصوت عالى , ولو حبينا نصرخ , نصرخ من غير قلق .
هنا هناقش مشاكلنا , بطريقتنا و نلاقي حلها برضه بطريقتنا .
احنا مجموعه من الشباب و المشيرين هدفنا ان احنا نكون فى خدمتك , و كمان من فريق طريق السما
و كمان برعاية المحطه الفضائيه سات 7
بالهنا و الشفا و طبق الفروت سالاد
